Kryetari i PD, Sali Berisha ka folur përsëri lidhur me vendimin e Enkelejd Alibeaj për përjashtimin nga grupi parlamentar të katër deputetëve.
Në një intervistë për “Syri Tv”, Berisha e cilëso një akt të turpshëm vendimin e Alibeajt dhe që përdoret nga kryeministri Edi Rama për të dëmtuar PD.
Kreu i demokratëve tha se nuk ekziston një vendim për përjashtimin e deputetëve, ndërsa e cilëson Alibeajn një “limon i shtrydhur”.
“Ai ishte akti më turpërues që ai mori, në një vend të lirë nuk ka kurrë individë që mund të përjashtojë katër deputetë, minimumi pa një proces politik por as me të nuk bëhet, pra shpallja nga një njeri se përjashtova deputetët ditën kur kundërshtari i Belind Këlliçit kapet në vjedhjen më flagrante të nxirrte këtë, Alibeaj tregon se është kryekëput lëvozhgë e pushtetit, nuk ekziston përjashtimi i deputetëve, ky limon i shtrydhur deklaron se përjashtova katër deputetë”,-tha Berisha./ Opinion.al
