Lionel Messi, është sot pa dyshim një nga njerëzit më të lumtur në botë. Ylli i Argjentinës nuk e ka fshehur entuziasmin që i ka dhënë kupa e botës e natyrisht edhe trofeu i topit të artë, që e cilëson si lojëtarin më të mirë të këtij turneu. E ndryshe nga sa pritej, ku dukej se kjo do të ishte performance e tij e fundit me kombëtaren, Mesi deklaron të kundërtën.
“Unë e dua futbollin, atë që bëj. Më pëlqen të jem në kombëtare dhe dua të vazhdoj të luaj për të, të luaj më shumë, duke qenë kampion bote”, tha Messi për TyC Sports. Kjo është kupa e parë e botës për Lionel Messin, ndërsa Argjentina kishte kupën e saj të fundit me Maradonën në 1986./Opinion.al
