Kryetari i PD, Sali Berisha ka përgëzuar Xherdan Shaqirit i cili i shënoi gol Serbisë në Katar.
Nëpërmjet një postimi në rrjetet sociale, Berisha shkruan se Shaqiri i “preu biletën ekipit racist të turpshëm serb.”
Sipas kryedemokratit, Presidenti serb Aleksandër Vuçiç dhe kryeministri Edi Rama janë në zi për humbjen e kombëtare serbe.
“Nderim Xherdan Shaqirit! Së bashku me Ronaldon dhe Mesin është sot njëri nga tre golshënuesit në tre kampionate botërore. Me golin e tij i preu bileten ekipit racist të turpshëm serb. Vuçiç dhe vasali i tij Rama, në zi”,-shkruan Berisha.
Serbia u mund nga Zvicra me rezultatin 2-3, duke u eliminuar nga botërori. Gjatë ndeshjes lojtarët serb kanë provokuar duke fyer shqiptarët, ndërsa janë përplasur verbalist dhe fizikisht me Granit Xhakën./Opinion.al
