Pas 16 muajsh në krye të Policisë së Beratit, Edmond Tarkaj është shkarkuar nga detyra. Sipas “Tv Klan”, në vend të tij është emëruar, Kastriot Skënderi, që deri tani ka mbajtur postin e këshilltarit të drejtorit të përgjithshëm të policisë.
Më herët Skenderaj ka mbajtur poste të rëndësishme në radhët e uniformave blu, ku në vitet 2018-2019 ka drejtuar Policinë e Tiranës.
Shkarkimi i Tarkajt vjen disa ditë pasi në fshatin Rërëz të Beratit u zbuluan disa sera ku kultivohej dhe përpunohej kanabisi. Për këtë veprimtari që zhvillohej trafikantët kishin rekrutuar dhe 95 gra, pjesa më e madhe e të cilave banonin në periferi të Tiranës.
Për këto sera, një hetim po zhvilluan dhe AMP, për të parë nëse në këtë veprimtari kanë qenë të përfshirë dhe punonjës policie.
