Policia ka shpallur në kërkim një 25-vjeçar nga Saranda pasi ka qëlluar me armë zjarri në ajër për të kërcënuar dy persona që kishte konflikt.
Sipas policisë, A. A., 25 vjeç, banues në Berdenesh të Sarandës kishte konflikt me dy persona për shkak të një kullote në fshatin Xarrë, ndërsa pasi ka qëlluar ka hedhur armën dhe është larguar.
Gjatë kontrollit të territorit është bërë e mundur gjetja e armës së zjarrit automatik, me të cilën shtetasi A. A. dyshohet se ka gjuajtur në ajër. Arma e zjarrit u sekuestrua në cilësinë e provës materiale, së bashku me krehrin me fishekë.
Vijon puna për kapjen dhe vënien përpara përgjegjësisë ligjore të shtetasit A. A. Materialet për këto raste i kaluan Prokurorisë Vlorë dhe Prokurorisë Sarandë, për veprime të mëtejshme.
