Arrestimi i dy vëllezërve, Indrit dhe Gentian Beqiraj, njëri nga të cilët u mor peng ditën e djeshme, ka sjellë zbulimin e një grupi kriminal në Durrës dhe ka hedhur dritë për një ngjarje të ndodhur në ditët e para të Janarit të vitit 2022 në Don Bosko, ku u vra Erion Çela dhe u plagosën katër të tjerë.
Mësohet se Indrit dhe Gentian Beqiraj, kanë bashkëpunuar me policinë dhe kanë dëshmuar. Ata kanë dhënë detaje të rëndësishme për disa atentate të kryera në Tiranë dhe Durrës.
Sa i takon ngjarjes së ndodhur më 4 janar 2022 në një lokal në kryeqytet, dy vëllezërit kanë thënë se vrasja do të kryhej për llogari të Kasandër Nogës.
“Vrasja do të kryhej për llogari të Kasandër Nogës.”, thanë vëllezërit, raporton news 24.
Mësohet se pavarësisht porosisë dhe planifikimit, shtetasit Gentian Beqiri dhe Indrit Beqiri nuk kanë kryer veprime aktive në këtë ngjarje.
Kujtojmë se sot në pranga kanë rënë 14 persona, pjesë e një grupi kriminal, që solli dhe zbardhjen e ngjarjes në Don Bosko.
