Katër persona kanë rënë në prangat e karabinierëve në Itali pas një sherri që shpërtheu në zonën e Casertës, mes italianëve dhe shqiptarëve.
Sherri ka nisur për shkak të një ngacmimi që një 36-vjeçar italian i kishte bërë të dashurës së një 21-vjeçari shqiptar. Kur mbërritën në vendngjarje, karabinierët e gjetën 36-vjeçarin duke u konfliktuar me 21-vjeçarin, ndërsa ishin përfshirë në sherr edhe persona të tjerë.
Mediat italiane shkruajnë se italianët dhe shqiptarët ishin përballë njëri-tjetrit në përleshje me gurë dhe shkopinj.
Karabinierët me vështirësi arritën t’i neutarlizojnë dhe të kuptojnë shkakun e sherrit. Më pas katër personat u arrestuan. Tashmë pritet që ata të marrin dënimin.
