Policia ka dhënë detaje lidhur me operacionin e zhvilluar gjatë ditës së sotme në Yrshek, kun ë një ndërtesë u gjet një arsenal armësh të sofistikuara, mes të cilave edhe snajper e granata hedhëse të lehta, kundratank.
Njoftimi:
Sot më datë 18.08.2022, nga Komisariati i Policisë Nr. 6 në bazë të dhënave të marra në rrugë operative, se një shtetas në garazhin e tij mbante armë zjarri të llojeve të ndryshme, menjëherë kanë organizuar punën dhe kanë finalizuar operacioni policor i koduar “Arsenali”.
Si rezultat i këtij operacioni u arrestua shtetasi K. Ç., dhe është shpallur në kërkim shtetasi E. Ç.
Gjatë kontrollit të këtij ambienti, janë gjetur e sekuestruar, në cilësinë e provës materiale:
– 2 granta hedhesë të lehtë kundratnk
– 2 mitraloza të lehtë
– 1 automatik ak-47
– 1 snajper me dylbi
– 2 silenciator
– 9 granata të llojeve të ndryshme
– sasi e konsiderueshme municioni luftarak
– 3 auromjete, njëri prej tyre i blinduar
– 3 motorra pa targa
– 1 jet ski
– 4 palë targa automjetesh shqiptare dhe të huaja
– 1 paruke
– 2 fenelina policie
Materialet i kaluan Prokurorisë, për veprime të mëtejshme procedurale.
