Pak pas mesdidtës së sotm është mbledhur Këshilli i Rregullores dhe Mandateve për të diskutuar lidhur me mandatin e deputetes Olta Xhaçka.
Mbledhja është shoqëruar me debat mes deputetit të PD, Gazment Bardhi dhe Lindita Nikollës. Teksa avokati i ministres, Genci Çifligu po rendiste arsyet pse nuk qëndrojnë pretendimet e opozitës, ka ardhur edhe ndërhyrja e Bardhit.
Ky i fundit u shpreh se avokati ishte aty për të folur mbi mandatin e Xhaçkës dhe jo t’i bëjë reklamë kompanisë së bashkëshortit të saj.
Bardhi: Ka ardhur për të folur për mandatin, jo për burrin e Xhaçkës. Muhabet kot. Nëse do të bëjë avokatinë e biznesit të burrit të Olta Xhaçkës, le të dalë nga selia e shoqërisë së burrit të Olta Xhaçkës, nuk kemi ardhur këtu të bëjmë reklamën e kompanive.
Nikolla: Nuk jeni i detyruar të qëndroni me zor. Nëse keni dëshirë mund ta lini mbledhjen.
Bardhi: Ai po tregon si e ka merituar statusin e investitorit strategjik. Nuk duhet të bëjë avokatinë e burrit të Xhaçkës.
Felaj: Ke detyrimin për ta dëgjuar.
Bardhi: Çfarë për ta dëgjuar.
Nikolla: Kemi ardhur të dëgjojmë. Nuk më impresionon me këto ndërhyrje, ulu aty ose dilni jashtë.
