Në konferencën e përjavshme për mediat, Kryetari i PD-së, Sali Berisha komentoi faktin se përse nuk ka përfshirë edhe ish-kryetarin e PD Basha, si dhe Alibeajn dhe Bardhin në organizimin e protestës së 7 korrikut.
Berisha tha se ishte një këshillë që ata të mos jenë të paranishëm, por askush nuk do pengohet për të shkuar në protestë. Berisha theksoi se nëse jep një këshillë në interesin më të mirë të protestës, kjo nuk do të thotë se është një ndalim, ndërsa nënvizoi se ata po të duan e pranojnë dhe po të duan nuk e pranojnë.
Pyetje: Pse i latë jashtë grupeve të punës Alibeajn, Bashën dhe Bardhin?
Berisha: Ajo ishte një këshillë. Këshilla ka gjithmonë një relativitet të madh. Askush nuk mund të pengohet për të ardhur në protestë. Nëse jap një këshillë në interesin më të mirë të protestës, kjo nuk do të thotë ndalim. Është thjeshtë një këshillë. Po të duan e pranojnë, po të duan nuk e pranojnë.
