Tre shtetas shqiptarë, kanë dhunuar një tjetër shqiptar që punonte si ndërtues në Greqi. Ata punonin bashkë në ndërtim në një kompani private, konkretisht në një hotel në Kolimbia, raportojnë mediat greke.
I dhunuari kishte pasur një problem personal me njërin prej të akuzuarve. Më herët një konflikt verbal kishte ndodhur mes tyre dhe dyshohet se shqiptari që ka mbetur i plagosur e ka kërcënuar duke i thënë: “nëse merr telefon diku nuk do të dalësh i gjallë” dhe e ka ofenduar.
Të nesërmen, të pandehurit kanë shkuar në mëngjes si zakonisht në mëngjes, por me rroba jo pune, dhe kanë sulmuar hotelin ku punonte viktima, duke mbajtur shkopinj me gozhdë, paleta të thyera dhe duke bërtitur në shqip se do ta vrisnin.
Në atë moment 54-vjeçari ka qenë i vetëm kundër të treve dhe nuk ka pasur kohë për të reaguar. Nga dhuna ai ra pa ndjenja në dysheme në një pellg gjaku. Kanë qenë punëtorët e tjerë, mes tyre edhe dhëndri i tij, e kanë vërejtur rrëmujën dhe kanë vrapuar drejt vendit ku ai punonte, ndërsa i akuzuari është larguar duke thënë “le të vdesë”.
Më pas, shqiptari është transportuar në Spitalin e Përgjithshëm të Rodosit, ku prej dy ditësh është trajtuar në klinikën e kirurgjisë. Ai u diagnostikua me “dëmtim të kokës, gjakderdhje dhe lëndime të tjera.
