Në samitin e “Ballkanit të Hapur” që po mbahet këtë të mërkurë në Ohër ka marrë pjesë edhe Komisioneri i Bashkimit Europian Oliver Varhelyi.
Varhelyi theksoi se Ballkani i Hapur mund të jetë mundësi e mirë për përshpejtimin e rrugës drejt Bashkimit Europian të vendeve të rajonit.
“Mund të jetë edhe mundësi për përshpejtimin e rrugës drejt Bashkimit Europian dhe do të duhet të përshpejtojë edhe integrimin real të rajonit në Bashkimin Europian. Kur flasim për anëtarësimin në BE, më shumë flasim për procese, flasim për korniza negociuese por të jem i sinqertë me ju, kjo nuk është interesante për njerëzit tanë, për qytetarët tanë. Samiti i Ballkanit të Hapur duhet të vazhdojë”, tha ndër të tjera Verhelyi.
