Në një tryezë diskutimesh janë mbledhur ish-ambasadorët amerikanë të Shqipërisë ndër vite, dhe ambasadorja Yuri Kim.
Në një postim në rrjetin social “Instagram”, Kim ka ndarë foto nga takimi me ish-ambasadorët Bill Ryerson, Marisa Lino, Jim Jeffrey, Marcie Ries, Alex Arvizu të zhvilluar në Washington.
Kim shkruan se ajo dhe kolegët e saj kanë pasur eksperienca të ndryshme në 31 vite që prej rënies së komunizmit në Shqipëri, por shton se kanë një të përbashkët besimin se lidhja mes popullit amerikan dhe atij shqiptar është vërtetë e veçantë.
“Një mbledhje e mrekullueshme në Uashington me ish-ambasadorët SHBA në Shqipëri – Bill Ryerson, Marisa Lino, Jim Jeffrey, Marcie Ries, Alex Arvizu.
Secili prej nesh kemi pasur përvoja të ndryshme në 31 vjet që kur populli shqiptar u çlirua nga zinxhirët e diktaturës komuniste, por kemi një gjë të përbashkët: besimin se lidhja mes popullit amerikan dhe atij shqiptar është vërtet e veçantë, admirimin për arritjet e mëdha të shqiptarëve pavarësisht nga rrethanat, dhe optimizmin e qëndrueshëm për të ardhmen”, shkruan Kim.
View this post on Instagram
