Partia Demokratike i ka bërë thirrje Kryeministrit Edi Rama që të mos bllokojë kërkesën e SPAK për heqjen e imunitetit të deputetit socialist Alqi Bllako, për të cilin SPAK kërkoi masën e sigurisë “Arrest me pasi dyshohet si i përfshirë në aferën e inceneratorit të Fierit.
Në një njoftim për mediat, PD thotë se Bllako ëshët vetëm nënfishi i Ëngjëll Agaçit, Arben Ahmetajt, Erion Veliajt dhe padyshim i Edvin Ramës.
“Sot, SPAK njoftoi se ka kërkuar heqjen e imunitetit të deputetit socialist Alqi Bllako. Partia Demokratike i kërkon Edi Ramës të mos bllokojë kurrsesi kërkesën e prokurorisë për hetimin e njërës prej aferave më të mëdha të korrupsionit në Shqipëri. Partia Demokratike shton se Alqi Bllako, i zhytur kokë e këmbë në këtë aferë, është vetëm nënfishi i Ëngjëll Agaçit, Arben Ahmetajt, Erion Veliajt dhe padyshim i Edvin Ramës, përgjegjësia direkte e të cilëve në kuadrin e një grupi të strukturuar kriminal, është tashmë e qartë si drita e diellit”, thuhet në njoftimin e Partisë Demokratike./Opinion.al
