Pas disfatës në zgjedhjet vendore të 6 Marsit, deputetja e PD, Ilda Dhori në një status në rrjetet sociale, shkruan se sigla e PD ka humbur vlerën dhe fuqinë e saj.
Sipas saj, çarja e PD, i bëri të qartë, çdo demokrati se të ndarë PD nuk është një alternativë për njerëzit. Ilda Dhori thotë se 6 marsi duhet te shërbeje si një leksion i fortë, për të parë e lexuar realitetin, dhe për të marrë vendime konkrete, radikale.
Deputetja thekson se kreu i PD, Lulzim Basha duhet të japë dorëheqjen.
Postimi i plotë
“Të nderuar miq, të dashur demokratë!
Jemi të gjithë dëshmitarë te një rrugëtimi te vështirë, prej shtatorit, te familjes sonë politike, Partisë Demokratike të Shqipërisë, duke na çuar ne shtigje pa krye!
Me keqardhje kam pare e ndjerë nga afër, urrejtje mes demokrateve te sakrificës, te cilët kane luftuar përkrahë njeri- tjetrit, përgjatë opozitës se gjate e te vështire te PD.
Sot demokratet janë te përçarë me shume se kurrë;
Duke luftuar me njeri tjetrin dhe karrigen e kryetarit, harruam armikun e vërtetë te shqiptareve dhe demokracisë, këtë regjim, qe po na merr frymën çdo dite ne vendin tone, duke detyruar shumëkënd ta braktise Shqipërinë tone, pa mundësi zgjedhjeje.
Rezultatet e 6 marsit treguan qarte, se sigla e PD ka humbur vlerën dhe fuqinë e saj;
Demokratet ne shumicën e tyre, për here te pare nga themelimi i saj, braktisen siglën e PD, siglën e sakrificës se tyre shumëvjeçare!
Ne 6 mars, çarja e PD ne dy copëza, pavarësisht dimensioneve, na beri te qarte si drita e diellit, mua, çdo demokrati e shqiptari, se te ndare nuk jemi alternative për njerëzit;
Te ndare nuk jemi alternative për shqiptaret;
Te ndare, madje nuk jemi alternative as për demokratet, ku ndoshta një pjese e vogël e tyre, bazuar ne rrethanat specifike, kane humbur shpresën dhe kane zgjedhur te votojnë regjimin;
TE NDARE, PO LARGOJME SHPRESEN E DEMOKRATEVE DHE SHPRESEN E SHQIPTAREVE!
Mendoj se 6 marsi duhet te shërbeje si një leksion i forte, për te pare e lexuar realitetin, dhe për te marre vendime konkrete, radikale, secili prej nesh, me qëllimin e vetëm, atë te përbashkimit të të gjithë demokrateve, e pas kësaj te gjithë shqiptareve, duke pare tek PD alternativen reale per vendin!
Personalisht kam kërkuar publikisht, për gjithsecilin pavarësisht pozicionimit përgjatë muajve te fundit, te dalim pertej egos personale, duke filluar nga z.Basha, i cili duhet te dorëhiqet nga funksioni si kryetar i PD, bashkimin e te gjithë demokrateve dhe çuarjen e PD ne një proces zgjedhor model, meritokratik, duke respektuar vullnetin e çdo demokrati te thjeshte!
PD ka nevoje për një lider te ri, te pranuar, zgjedhur e respektuar nga çdo demokrat e demokrate!
BASHKIMI, RESPEKTI DHE VLERESIMI BRENDA FAMILJES SONE, është guri i pare i themelit, për te ngritur një PD TE FORTE, ALTERNATIVE KONKURUESE DHE FITUESE, NDER SHQIPTARET!
