Dy gra janë gjetur pa jetë në një banesë në Devoll. Sikurse mësohet nga informacionet paraprake, ato janë identifikuar si F.B 60 vjeçe dhe vjehrra e saj B.B. 80 vjeçare. Gratë janë gjetur nga kryeplaku i fshatit Progër, ndërsa nga informacionet paraprake, mësohet se kanë shenja dhune në trup dhe dyshohet se janë vrarë me sende të forta.
“Më datë 05.03.2022, rreth orës 15:15, jemi njoftuar se në fshatin Progër, Devoll, janë konstatuar nga kryeplaku i fshatit, në banesë, të pajeta dhe me shenja dhune në trup shtetaset F. B., rreth 60 vjeçe dhe vjehrra e saj B. B., rreth 80 vjeçe. Nga ana e policisë janë ngritur pika kontrolli dhe me grup hetimor nën drejtimin e Prokurorisë të Rrethit Gjyqësor Korçë, po punohet për identifikimin e kapjen e autorit si edhe zbardhjen e plotë të rrethanave të ngjarjes”, njofton policia. /Opinion.al
