Bjellorusia është faktori kyç i pushtimit rus të Ukrainës, raporton CCN. Inteligjenca ukrainase sugjeron se Bjellorusia po tregon “gatishmëri për të marrë pjesë në mënyrë të drejtpërdrejtë” në pushtimin rus “përveç lejimit të rusëve që të përdorin territorin e tyre si dhe duke i lënë ata të kalojnë kufirin në Ukrainë, tha një zyrtar i qeverisë ukrainase për CNN.
Bjellorusia dhe Rusia kanë lidhje të ngushta ushtarake dhe trupat ruse janë vendosur së fundi në Bjellorusi për stërvitje të gjera ushtarake.
Presidenti bjellorus Alexander Lukashenko tha javën e kaluar se trupat bjelloruse mund t’i bashkohen pushtimit “nëse do të jetë e nevojshme”.
Por çfarë duhet të dini për Lukashenkon, njeriun që është në krye të këtij kombi që shtrihet midis Rusisë dhe Polonisë, dy shtete anëtare të Bashkimit Evropian:
I zgjedhur president në zgjedhjet e para demokratike të Bjellorusisë në 1994 pas rënies së Bashkimit Sovjetik, ai ka sunduar për më shumë se një çerek shekulli. Por në zgjedhjet e mëvonshme ka patur akuza për taktika dhe parregullsi në votim.
Fundi i vitit 2020 u shoqërua me disa muaj protesta dhe dhune në të gjithë vendin pas zgjedhjeve të kontestueshme. Madje policia qëlloi në ajër, përdori granata dhe arrestoi më shumë se 200 persona me qëllim pengimin e dhjetëra mijëra bjellorusëve që marshuan nëpër Minsk, të cilët kërkonin largimin e liderit veteran nga pushteti.
Ai hodhi poshtë akuzat se votat ishin manipuluar dhe tha se nuk ka ndërmend të tërhiqet.
“Diktatori i fundit i Evropës”
Lukashenko, është quajtur “diktatori i fundit i Evropës”, pasi ka kontroll të hekurt mbi vendin e tij dhe është bërë gjithnjë e më i fortë. Paraqitjet e tij publike janë të kontrolluara dhe ai përgjithësisht është i rrethuar nga të rinj.
Lukashenko e ka forcuar gjithnjë e më shumë aleancën e tij me Putinin, i cili ka ofruar qindra miliona dollarë ndihmë financiare – mbështetje e Kremlinit që ka të ngjarë të pasohet me telashe.
Në një intervistë ekskluzive me CNN në vitin 2021, Lukashenko tregoi se çfarë mund të ndodhë nëse ndonjëherë do të ketë një provokim kundër dy vendeve:
“Nëse ne kemi nevojë, Bjellorusia do të kthehet në një bazë ushtarake për Rusinë dhe Bjellorusinë në mënyrë që t’i rezistojë agresionit tuaj, nëse ju vendosni, ose nëse ndonjë vend vendos të sulmojë”-tha ai/Opinion.al
