Kryedemokrati Lulzim Basha ka mbërritur pasditen e sotme në Prokurorinë e Posaçme Anti-Korrupsion (SPAK) .
Mësohet se kreu i PD pritet të merret në pyetje nga prokurorët belgë në lidhje me dosjen “Toyota Yaris”.
Çfarë është dosja Totota Yaris? Policia konstatoi një shumë prej 3.4 milion euro në një makinë tip “Toyota Yaris” në qershor 2018 në portin e Durrësit. Shuma u fut ilegalisht dhe dyshohet nga SPAK se janë para të ardhura nga një aktivitet i paligjshëm në Belgjikë. Ishte pikërisht kreu i PD-së Lulzim Basha që e denoncoi rastin në Kuvend, ndërkohë që nuk ishte bërë ende publik. Basha deklaroi në Parlament se ishte Taulant Balla ai që kishte porositur një makinë me para “droge” brenda.
Ndërkohë sot u raportua se prokurori belg i çështjes së “Toyota Yaris” ka ardhur në Tiranë. Ai takoi drejtuesen e Prokurorisë së Tiranës, Elisabeta Ymeraj ku ka marrë informacione mbi këtë çështje. Ndërsa më pas i është drejtuar SPAK-ut ku ka marrë të dhëna në lidhje me një grup kriminal nga Shqipëria që ushtron aktivitet edhe në Belgjikë./Opinion.al
