Një 27 vjeçar, është arrestuar nga policia pasi akuzohet se ka dhunuar vajzën 6 vjeçe, e cila ndodhet për kujdes mjekësor në spital. Denoncimi është bërë nga nëna e vajzës, ndërsa ka rënë në pranga shtetasi R.K, banues në Kamëz.
Mësohet se i riu ka ushtruar dhunë ndaj vajzës së tij të mitur në momentin që ishte vetëm me të, pasi nëna ndodhej në punë.
Gjithashtu bëhet e ditur se policia ka dyshime se përveç dhunës fizike, mund të ketë pasur edhe abuzim seksual. 6-vjeçarja do t’i nënshtrohet kontrolleve mjekësore për të kuptuar nëse babai dhunues ka abuzuar me të miturën, e cila ndodhet në spital në gjendje të rënduar shëndetësore.
“Nga specialistët për Hetimin e Krimit në Komisariatin e Policisë Nr.5 u bë arrestimi në flagrancë i shtetasit R. K, 27 vjeç, pasi dyshohet se ka ushtruar dhunë ndaj vajzës së tij së mitur, e cila ndodhet në spital, për ndihmë mjekësore”-njofton policia./ Opinion.al
