Në tetor, numri i përdoruesve globalë të mediave sociale tejkaloi shifrën prej 4.5 miliardë.
Rritja është ngadalësuar gjatë tre muajve të fundit, por totali global vazhdon të rritet me një normë prej 1 milion përdorues të rinj në ditë. Ndër platformat e ndryshme, bie në sy rritja e TikTok. Këto janë të dhënat që përmban raporti Digital 2021 Global Statshot nga DataReportal, i publikuar në bashkëpunim me Ëe Are Social dhe Hootsuite.
Sipas analizës në vitin e fundit, atë të pandemisë, në rrjetet sociale janë bashkuar 400 milionë përdorues (+ 9,9%). Për të marrë një ide mbi fenomenin, thjesht mendoni se popullsia e botës për momentin është 7.89 miliardë – shpjegon raporti – dhe është rritur me 80 milionë njerëz vitin e fundit. Sipas tendencave aktuale, deri në gjysmën e parë të vitit 2022 mendohet se 60% e popullsisë së botës do të ketë një llogari sociale.
Mes platformave të ndryshme, spikat rritja e TikTok, i cili së fundmi ka hyrë në klubin e mediave sociale me më shumë se 1 miliard përdorues, duke marrë vetëm pesë vjet për këtë ngjitje./Opinion.al
