Të tjera detaje janë zbardhur lidhur me ngjarjen e rëndë të ndodhur mëngjesin e sotëm në zonën e Astirit në Tiranë, ku 62-vjeçarja Hava Osmanaj humbi jetën pasi u hodh ka kati i tretë i pallatit për t’iu shpëtuar flakëve.
Po ashtu, nga ballkoni u hodh dhe djali i saj Klodjan Osmanaj, i cili ndodhet në spital nën kujdesin e mjekësve.
Ndërkohë, një dëshmi rrëqethëse ka ardhur nga fqinja Haha Osmanajt, e cila banonte ngjitur me apartamentin e tyre.
Ajo ka treguar se e ëma e tij, ka dalë nga banesa, pasi djali i ka vënë zjarrin shtëpisë, por është kthyer që të marrë të birin.
Ai nuk ka pranuar pasi kishte frikë nga polica. Pasi është futur sërish në banesë, flakët janë përhapur me shpejtësi duke djegur brenda pak minutash gjithçka, dhe ajo është hedhur nga dritarja, për të shpëtuar, por nuk mbijetoi.
‘Ka dalë dhe ka hyrë që të marrë djalin. Djalin nuk donte që të dilte nga banesa se kishte frikë nga policia. Kishte hapur derën… Është kthyer për të marrë djalin e mbuloi flaka dhe tymi. Kemi njoftuar policinë erdhën shpejt, zjarrfikësja vonoi pak. Mua më është dëmtuar vetëm dera. Ajo punonte.’- tha ajo.
36-vjeçari vuan nga problemet mendore dhe se gjatë natës kishte patur debate me nënën e tij, kjo gjë hedh dyshime se ai është autori i zjarrvënies./Opinion.al
