Kreu i Partisë Demokratike, Lulzim Basha, ka mbledhur pasditen e sotme grupin parlamentar të PD.
Sipas News24 opozita pritet të krijojë tre grupe parlamentare. Në Kuvend do të jenë grupi parlamentar i PD, ai i PDIU dhe ai i aleatëve të tjerë të Bashës, përkatësisht PR, PAA, LZHK dhe PBDNJ.
Këto të fundit, do të krijojnë grupet parlamentare me ndihmë të Partisë Demokratike, pasi një grup parlamentar duhet të ketë të paktën 7 deputetë. Për këtë arsye, PD do t’i japë PDIU, e cila mori në zgjedhjet e 25 prillit 3 deputetë, edhe 4 deputetë të tjerë, për të krijuar grupin e saj parlamentar.
Gjithashtu, njoftohet se PD do iu japë 3 deputetë partive të tjera aleate PR, LZHK, PAA dhe PBDNJ, të cilat morën në zgjedhje 4 deputetë.
Grupet e krijuara nga opozita janë:
1.Grupi i Partisë Demokratike të Shqipërisë
2. Grupi i Aleancën për Ndryshim
3. Grupi për Demokraci dhe Integrim
Në grupin e PR bëjnë pjesë Fatmir Mediu, Dashamir Shehi, Agron Duka, Vangjel Dule, Lindita Metaliaj, Elda Hoti dhe Eralda Tase.
Kujtojmë ndër të tjera se në orën 17:00 do të zhvillohet seanca e radhës plenare në Kuvendin e Shqipërisë, ku do të caktohen sekretariatet, komisionet, si dhe byroja.
