Ish -kryeministri italian Silvio Berlusconi është shtruar në spitalin San Raffaele të Milanos për shkak të pasojave që i ka lënë Covid-19.
Lajmi konfirmohet nga burimet e partisë së tij politike “Forca Italia’’.
Bëhet me dije se shtrimi në spital i 84-vjeçarit ka qenë i nevojshëm por nuk u dhanë detaje mbi gjendjen e tij shëndetësore.
Kujtojmë se shtatorin e kaluar Berlusconi kaloi koronavirusin dhe u shpreh atëherë se ishte “sfida më e rrezikshme” e jetës së tij.
Kryeministri katër herë i Italisë dhe biznesmeni miliarder iu nënshtrua një operacioni të rëndë në zemër në vitin 2016 dhe gjithashtu i ka mbijetuar kancerit të prostatës./Opinion.al
