Dy ditë më parë, në IEVP Drenovë kanë humbur në ambulancën e burgut të Drenovës një palë gërshërë. Sipas burimeve për Klan news bëhet me dije se në shërbim ka qenë një infermier nga Korça i cili pretendon se i ka lënë gërshërët tek infermieria, por kur është bërë inventari ato mungonin.
Ndërkohë dyshohet që gërshërët mund të përdoreshin për ngjarje kriminale nga një i burgosur. Klan news raporton se i burgosuri i sigurisë të lartë Klement Ibrahimi dyshohet të jetë ai që i ka marrë gërshërët, gjatë kohës kur po merrte serum në spitalin e burgut.
Në këtë burg ndodhet edhe i penduari i drejtësisë Lefter Reçi i cili ka “spiunuar” Emiljano Shullazin dhe Lul Berishën.
Janë ushtruar kontrolle në çdo i dënuar, por gërshërët nuk janë gjetur ende. Ditën e djeshme mësohet se në burgun e Drenovës kanë shkuar forca operacionale e Drejtorisë së Përgjithshme të Burgjeve dhe po hetohet lidhur me këtë rast.
