Aleanca për mbrojtjen e Teatrit Kombëtar depozitoi ditën e sotme një kërkesë në Gjykatën Kushtetuese, përmes të cilës kërkon përshpejtimin e procedurave lidhur me çështjen e teatrit.
Në një deklaratë për mediat, përfaqësuesja e Aleancës, avokatja Adriana Kalaja deklaron se duhet që Kushtetuesja të japë sa më shpejtë një vendim pasi sipas saj qeveria, përmes akteve normative synon që dëmtojnë procesin.
Kalaja gjithashtu i ka bërë thirrje ambasadores së SHBA-së, Yuri Kim, duke i kërkuar që të dalë dhe të prononcohet lidhur me këtë çështje dhe të bëjë presion tek institucionet përgjegjëse.
“Nuk kanë respekt, nuk konsiderojnë fare Gjykatën Kushtetuese, për vendimmarrjen e kësaj gjykate. Duke injoruar totalisht, duke ironjuar vendimin e nesërm, nxjerrin një akt normative, në kundërshtim me Kushtetutën. Pritet të kalojë në Kuvend. E dimë shumë mirë pasojat e aktit normative i cili do ta miratojë sepse është Kuvend që miraton urdhrat e Ramës.
Ne duke ditur situatën në Gjykatës Kushtetuese, duke marrë informacionin e plotë se Gjykatës Kushtetuese po diskuton, po debaton në lidhje me vendimin e kërkesave të Presidentit që janë edhe kërkesat tona si palë e tretë. I kërkojmë Gjykatës Kushtetuese që të përshpejtojë dhënien e vendimit, sepse ky akt normative mund të agravojë dhe më tepër akte të tjera që kanë karakter të dëmshëm në interest të publikut. Do të doja të sqaroja se qasja e institucioneve, që në mënyrë konseguente shkelin ligjin, kanë ardhur edhe në një nënvlerësim që Gjykatës Kushtetuese i bëri procesit. Presidenti që në fillim, dhe ne kërkuam marrjen e masave të zbatimit të tre akteve që duhet të shfuqizohen.
Nisur nga vendimi i Gjykatës Kushtetuese që vendimi për masat e peuzllimit do të merren me vendimin, nuk e kanë ndaluar mbase e kanë nxitur Këshillin e Ministarve, Kuvendin dhe Bashkinë e Tiranës të vijojnë me procedurat korruptive për ndërtimin e Teatrit të Ri.
Do i bëja një kërkesë ambasadorëve, sidomos Yuri Kim e cila ka ndikuar shumë edhe në ngritjen e Gjykatës Kushtetuese. Besoj është në dijeni të plotë, që del në çdo dalje publike, është momenti të dalë Yuri Kim pasi nuk është prononcuar akoma për Teatrin, ti bëjë presion institucioneve përgjegjëse. Ne përderisa respektojmë ligjin, Gjykatat, na pëlqen apo jo duhet të presim hapat e mëtejshme. Është shkelje e pafalshme, injorim nga institucionet përgjegjëse mos presin. Unë jo më kot e thashë, injorim dhe presion, janë dhe pjesë e procesit, e dinë në çfarë faze është procesi kushtetuese, pra i thonë Gjykatës ti merre vendimin si të duash, ne do vijojmë punën tonë. Fakti që akti normativ shkon në Kuvend tregon se ata s’kanë asnjë lloj problemi. Yuri Kim mos merret me vogëlsira, jo me mediat. Media pasqyron lajmet reale, ambasadorja të dalë sot. Pse Këshilli i Ministrave 6 ditë pas vendimit, nxjerr aktin.”- tha Kalaja./Opinion.al
