Kryeministri Edi Rama ka folur mbrëmjen e djeshme për shpenzimin e parave që ka marrë borxh për pandeminë.
I ftuar në emisionin “Të Paekspozuarit”, kreu i qeverisë u pyet se ku i ka çuar 300 milionë euro të marra për pandeminë. Rama është përgjigjur se këto para janë përdorur edhe për rindërtimin.
“Për pandeminë keni marrë borxh 500 milionë euro. U keni paguar 130 milionë njerëzve. Ja edhe 20 milionë Ministrisë së Shëndetësië. Po falim edhe 50 milionë. Ku janë 300 milionë të tjera, ku i ke çuar?” pyet moderatori.
“Pse hyni në këto? Kur hyni ju në këto, ju që merreni me komentet ekonomike. Ne nga pandemia, kemi marrë një goditje 700 milionë. E kemi marrë në të ardhura. Na kanë rënë të ardhurat e shtetit. Nuk ka lek për pandeminë vetëm. Na kanë rënë të ardhurat. Kemi financuar rindërtimin, përjashto lagjen në Kurbin, të gjithë e kemi financuar me paratë tona. Shkollat që kemi parë i kemi financuar ne”, tha Rama.
Më tej Rama pyetet: Po thua që për pandeminë, bëre shkolla? “Në kohë pandemie, morën borxh për programet”, përgjigjet kreu i qeverisë./Opinion.al
