Një nga figurat më aktive në kundërshtimin e prishjes së godinës së teatrit, regjisori Edmond Budina, ka qenë një ndër personazhet e përzgjedhur nga emisioni “Opinion” për vitin 2020.
Duke folur për kauzën e teatrit, Budina tha ndër të tjera se ky ishte një moment i vështirë. “Këtë vit u shemb teatri. Ishte një dhimbje e jashtëzakonshme, si të shkulnin diçka prej zemrës. Jo vetëm për faktin se ne kemi 2 vjet që luftojmë, por për shkak të humbjes se asaj vlere të jashtëzakonshme që teatri kishte”, tha Budina duke e cilësoi shembjen e godinës një krim të paperceptueshëm.
Ndër të tjera, duke folur për situatën e krijuar nga pandemia, Budina e cilësoi të trishtueshëm distancimin e njerëzve për shkak të Covid./Opinion.al
