Ministrja e Shtetit për Marrëdhëniet me Parlamentin, Elisa Spiropali, ka folur sot në lidhje me protestat e zhvilluar për vrasjen e Klodian Rashës nga efektivi i policisë.
Gjatë një interviste për “News24”, Spiropali është shprehur se Presidenti Ilir Meta dhe ish-kryeministri Sali Berisha po kërcënojnë civilizimin shqiptar.
Më tej, ministrja deklaroi se nuk mund të negociohet me halabakë, që duan të djegin qytetin.
“Nuk negociohet me halabakë që djegin qytetin. Sali Berisha e Ilir Meta duan të kthehen në pushtet. Ne po hetojmë gjithçka. Ne kemi mbajtur përgjegjësi, ministri i Brendshëm dha dorëheqjen. Këta janë ata që fshehën provat. Nuk ka asnjë tentativë nga ne për ta politizuar. Ne kemi prova se janë paguar, kishte dëshmi publike, aty ku këta i kazanë lënë nëpër geto që i kanë shfrytëzuar për vota dhe nuk ka as shkolla dhe as vende ku mund të argëtohen. Këto të rinj janë përdorur për mish top. Ilir Meta dhe Sali Beriisha janë fajtorë për 30 vjet politikë këtu. Janë disa të rinj, jo rinia shqiiptare. Janë fëmijë të përdorur. Edhe në kushtet e luftërave civile në Afrikë ka drojë për të përdorur fëmijë. Vetëm organizatat terroriste përdorin fëmijë”- u shpreh Spiropali./ Opinion.al
