Ditën e sotme ka nisur seanca e dytë gjyqësore për Hashim Thaçit, Kadri Veselit, Selim Selimit e Jakup Krasniqit në Gjykatën Speciale të Hagës.
Seanca e sotme vjen pas konfirmimit të aktakuzës për ish-drejtuesit e sipërpërmendur të UÇK-së. Ndërkohë, kjo seancë ka filluar 45 minuta me vonesë, pasi orari për nisjen e saj ishte ora 11:00.
Gjykata e Hagës ka një dokumentacion prej 40 mijë faqesh, kundër ish-liderëve ndërsa Thaçi, Krasniqi, Veseli dhe Selimi akuzohen për krime kundër njerëzimit. Po ashtu, katër ish-liderët e UÇK akuzohen edhe për pjesëmarrje në ndërmarrje kriminale.
