Janë publikuar pamjet e momenteve të para kur ka nisur sulmi në qendër të Vienës.
Personat që kanë ndërmarrë këtë sulm nuk dihet se sa janë, por ata janë veshur me të bardha.
Në pamjet e kamerave të sigurisë duket një djalë dhe një vajzë në një nga rugicat e qendrës së Vienës. Në një moment vajza largohet dhe më pas shfaqet një nga autorët e sulmit i cili godet me pushkë djalin i cili ishte mbështetur në një mur. Pasi e qëllon herën e parë, autori kthehet dhe e qëllon sërish me pistoletë.
Në pamje të tjera duket se ka patur të lënduar edhe në një lokal.
Një nga autorët është konfirmuar se është ekzekutuar nga policia. Ajo i ka bërë thirrje njerëzve që të qëndrojnë në shtëpi.
Nuk ka ende një numër të konfirmuar viktimash por mediat austriake thonë se janë vrarë 7 persona. /Opinion.al
