Kreu i Partisë Demokratike, Lulzim Basha ka akuzuar kryeministrin Rama se është fshehur pas maskave për mos marrë masa ekonomike që u vijnë në ndihmë shqiptarëve.
Sipas tij, gjoba për maskat është e vetmja masë që ka marrë qeveria deri më tani gjatë pandemisë teksa dje u shënua rekordi i ri i infektimeve.
”Situata ka njohur një tjetër përkeqësim. 257 raportuar zyrtarisht dje, ndërsa viktimat 439. Ndërkohë qeveria nuk ka marrë asnjë masë të vetme. E vetmja masë që ka marrë është të gjobisë qytetarët. E vetmja masë veprimptari e qeverisë në kohën kur çdo shtet tjetër po merr masat më të forta kunëdr pandemisë, është të gjobisë qytetarët. Është kthyer në një qeveri gjobvënës. Gjoba për qytetarët, bizneset, për këdo. Gjoba për të mbushur një thesar të zbrazur, dhe zbrazet. I vetmi popull në Ballkan, shqiptarët që s’marrin asnjë mbështetje. Vendet e tjera kanë ofruar paketën e katërt, po dje i pari i qeverisë edhe për pak kohë tha se s’do ketë asnjë paketë të tretë. Përgjigjia e vetme e Ramës është gjoba. Njëherë blindat, tani fshihet pas maskave. Vetëm e vetëm për të mos marrë masat që duhen marrë për të mbështetur mjekët, infermierët dhe mijëra shqiptarë që kërcënohen me vetëekzistencën dhe bukën e gojës. E keni parë që tani nuk tregojnë më sa teste bën ISHP dhe sektori privat. Sa janë serologjik dhe tamponë. Pse ndodh kjo? Sepse Shqipëria vijon me numrin më të ulët të testimeve në rajon dhe Europë. Prej marsit e kam kërkuar rritjen e testimeve. Për të izoluar dhe shkëputur zinxhirin e infektimeve.”- tha Basha.
Në konferencën e përditshme për shtyp, Basha theksoi se qeveria ka braktisur sistemin shëndetësor, ka mashtruar e gënjyer mjekët e infermierët për bonusin, si dhe ka lënë shkollat në mëshirë të fatit.
“Sistemi shëndetësor vazhdon të mbetet e braktisur, i papërkrahur. Çdo mjek duhet të jetë i pajisur me pajisjet mbrojtëse për vetveten dhe pajisjet që luftojnë virusin. Bonusi prej 1 mijë euro për mjekët dhe 500 euro për infermierët është një premtim i pazbatuar, gënjeshtër. Pika e dytë ka të bëjë me hapjen e shkollave dhe pasojat që kjo ka sjellë si për mësuesit, stafin, ashtu dhe nxënësit e familjarët e tyre. Kemi kërkuar testimin periodik të tyre, sic e bëri Kosova, por refuzojnë ta bëjnë. Në shkolla vazhdon të mungojë uji i rrjedhshëm për të larë duart, nuk ndodh dezinfektimi i klasave. Po kështu, asnjë hap për të garantuar teknologjinë e nevojshme për vogëlushët që nuk kanë nevojë, për t’iu mundësuar mësimin. Kryeministri shqiptar është i vetmi që nuk e vë ujin në zjarr, që e ha turpin me bukë. Premtoi paketë të re ndihme, por nuk ka paketë të tretë për asnjë”, tha Basha.
