Mjekë dhe ekspertë të shëndetësisë patën sot një takim me kreun e Partisë Demokratike, Lulzim Basha rreth situatës së COVID-19 në Shqipëri.
Kreu i opozitës e përshkroi situatën si alarmante si pasojë e dështimit të qeverisë në përballje me pandeminë.
“Situata paraqitet në prag të katastrofës, kjo mbledhje s’është aspak e parakohshme, jemi futur tani në garë me kohën, e pafalshme që 6 muaj pas pandemisë, mjekë e pacientë s’kanë asnjë informacion se çfarë mësimesh janë marrë, nga dështimi i përballjes me Covid deri tani, që ka qenë dështim është e padiskutueshme, kaq e pranojnë nën zë dhe autoritetet më të larta të qeverisë“, tha Basha.
Ai tha se nuk ka një valë të dytë infektimi po është ende e njejta valë e cila është përkeqësuar. Basha u ndal edhe tek daljet në Facebook të kryeministrit Rama duke thënë se ai tani është zhdukur megjithëse pandemia është zgjeruar.
“S’ka më kohë të merremi me këtë dështim. A është e falshme që të mos nxjerrësh mësimet e ti përvishesh punës të parandalohet një dështim i dytë? S’ka valë të dytë, jemi në bishtin e të njëjtës valë por përkeqësimi vjen për shkak të keqmenaxhimit dhe braktisjes totale. Na dilte i pari i qeverisë 10 orë në ditë në televizor kur vdekjet ishin 1/10 e atyre që janë sot, ndërsa tani është zhdukur a thua se ska më pandemi, ndërkohë që pandemia ka marrë dimension të frikshëm. Për shkak të kombinimit të hapjes së shkollave e gripit sezonal”.
Sipas kryedemokratit, sasia prej 200 mijë vaksinash “është e pamjaftueshme, dhe nëse është e vërtetë”.
Kërkesa e Bashës për ekspertët ishte hartimi i një plan veprimi që t’i paraqitet qeverisë.
“Ju kërkoj që e gjithë ekspertiza e konstatimet që kemi bërë, të përfundojnë në një dokument konçiz pune, plan veprim që do ja paraqesim, ju ose ne politikisht si opozitë, se pavarësisht cfarë ka ndodhur, s’është momenti të themi kjo nuk shkon, për t’i zgjuar nga narkoza e thellë ku kanë rënë i pari i qeverisë, ministrja e shëndetësisë, e ata që i ndjekin pas, për t’i shkundur, se bëhet fjalë për jetë njerëzish, per t’i thene cfare duhet te bejne e ta bejne nje ore e me pare, ne kete moment cdo ore qe humbet me llafe boshe e premtime te pambajtura, cdo minute qe harxhohet na kushton shtrenjte, jete njerezish, dhe ekonomikisht. T’i dalim para te keqes se madhe qe do pllakose. Tani s’behet fjale per politike, por per jeten a vdekjen e qytetareve shqiptare, duhet ta themi fort cfare duhet te bejme, e cfare te ndalojme se beri urgjentisht”. /Opinion.al
