12-21 milionë tonë pjesë plastike të vogla lundrojnë në Oqeanin Atlantik. Studimi u bë nga Qendra Kombëtare e Oqeanografisë në Mbretërinë e Bashkuar, e cila sqaron se një sasi e tillë, do të ishte e mjaftueshme për të ngarkuar plotësisht pothuajse 1.000 anije.
Studimi u botua në revistën Nature Communications, dhe Katsia Pabortsava, nga Qendra Kombëtare e Oqeanografisë, e cila drejtoi studimin, tha se ngarkesa e plastikës në të gjithë Atlantikun është shumë më e madhe se të dhënat e mëparshme.
Kjo, pasi më parë nuk janë studiuar pjesët evogla të plastikës që gjenden në oqean.
Në ekspeditën e tyre, nga Mbretëria e Bashkuar në Ishujt Falkland, ajo dhe kolegët e saj zbuluan deri në 7,000 grimca për metër kub ujë të detit.
Ekipi hulumtues shpreson se këto të dhëna do të ndihmojnë përpjekjet e ardhshme për të matur dëmin ekologjik dhe mjedisor që mund të shkaktohet nga këto copëza plastike.
Grupet për mbrojtjen e mjesidit kanë thënë se për shkak të pandemisë, maskat e fytyrës tani janë një nga artikujt më të zakonshëm të mbeturinave plastike./Opinion.al
