Engjëll Myslimi është personi që vendosi sasinë e tritolit orët e para të mëngjesit në një banesë në Laprakë.
Sipas njoftimit të policisë ai është arrestuar nga efektivët e komisariatit numër 3 në kryeqytet.
26-vjeçari ka pranuar autorësinë dhe është shprehur se shkaku i vendosjes së lëndës eksplozive ka qenë një konflikt që ai kishte patur me djalin e të zotit të banesës.
Në orët e para të mëngjesit të sotëm, në rrugën “Tahir Sinani”, në derën e jashtme të banesës së shtetasit Gjergji Llazi shpërtheu një sasi lënde plasëse duke shkaktuar dëme materiale. Ky i fundit tha për mediat se nuk kishte asnjë konflikt.
Materialet do t’i referohen Prokurorisë së Rrethit Gjyqësor Tiranë, për veprën penale “Shkatërrim i pronës me eksploziv”. /Opinion.al
