Kryetarja e LSI-së Monika Kryemadhi ka dekalruar se përmes ndryshimeve kushtetuese kryeministri Edi Rama po tenton të prish dakordësimin e 5 qershorit për reformën zgjedhore.
Sipas saj, Rama kërkon të ndalojë aspiratën e rinisë për të qenë pjesë e familjes së madhe evropiane. Kryemadhi thotë se Opozita e Bashkuar dhe LSI ka një program të qartë për nxjerrjen e vendit nga kriza jo vetëm ekonomike, por edhe sociale.
Kryemadhi thekson se LSI është në këtë betejë, jo për një rrotacion qeverisës, por për të bërë të mundur ndryshimin e madh ekonomik, social dhe arsimor.
Reagimi i saj është bërë krahas fotove që ajo ka publikuar me të rinjtë e partisë që ajo drejton , por ajo që vihet re është se ata nuk kanë respektuar protokollin e vendosur nga ministria e Shëndetësië kundër koronavirusit.
Siç shihet në fotot, kryetarja e LSI dhe të rinjtë nuk kanë respektuar distancën dhe nuk kanë vendosur maskë, pavarasisht se është e ndëshkueshme.
i thotë se nisma për hapjen e listave e mbështetur nga kryeministri Edi Rama rrezikon integrimin evropian të Shqipërisë dhe dëmton të ardhmen e rinisë. Kryemadhi shprehet se ka një plan të qartë për nxjerrjen e vendit nga kjo krizë jo vetëm ekonomike, por edhe sociale.
Reagimi
Veprimet e fundit të Edi Ramës për të prishur marrëveshjen e 5 qershorit të dakordësuar me SHBA dhe BE, rrezikojnë integrimin evropian të Shqipërisë dhe dëmtojnë në radhë të ardhmen e rinisë.
Manovrat e tij për të ndalur ndryshimin po pengojnë aspiratën e rinisë për të qenë pjesë e familjes së madhe evropiane.
Urrejtja e tij ndaj rinisë dhe të ardhmes së saj është në sytë e të gjithëve. Çdo i ri sot ka qenë pjesë e eksperimenteve të Rilindjes në arsim.
Çdo i ri sot, është në pamundësi për të konkurruar dhe për të siguruar me aftësitë e tij një punë të mirëpaguar.
Çdo i ri sot, nis jetën e tij si forcë aktive në punë me një borxh mbi shpatullat e tyre prej rreth 13 mijë eurosh nga keqqeverisja dhe korrupsioni rilindas.
E ardhmja e çdo të riu është lënë peng tek PPP, që po vrasin zhvillimin ekonomik të vendit.
Tashmë Edi Rama i frikësuar për të ardhmen e tij, po shkatërron të ardhmen e çdo të riu.
Opozita e Bashkuar dhe LSI ka një program të qartë për nxjerrjen e vendit nga kjo krizë jo vetëm ekonomike, por edhe sociale. LSI është në këtë betejë, jo për një rrotacion qeverisës, por për të bërë të mundur ndryshimin e madh ekonomik, social dhe arsimor.
Bashkëbisedimi me to, më dha edhe më shumë energji dhe vendosmëri në rrugën tonë të përbashkët për të realizuar këtë ndryshim.
Sfida e LSI është integrimi evropian dhe ne do të bëjmë çdo sakrificë për ta realizuar këtë aspiratë madhore të rinisë në radhë të parë, por edhe të të gjithë shqiptarëve.
Kjo tokë e bekuar do t’u kthehet të rinjve dhe njerëzve të saj, për të besuar se e nesërmja i takon gjithsecilit që angazhohet në ndërtimin e Shqipërisë si shtëpi e të gjithë shqiptarëve.
