Ndryshimet kushtetuese është konflikti i ri i cili ka futur në ngërç politikën shqiptare.
Nga njëra anë mazhoranca kërkon të kalojë ndryshimet duke pretenduar se nuk po del jashtë kuadreve ligjore, ndërsa nga ana tjetër opozita e akuzon mazhorancë se këto ndryshime po bëhen në mënyrë të njëanshme duke mos respektuar darkodërsinë e a arritur më 5 qershor për reformën zgjedhore.
Ndërkohë, pjesë e debateve opozitë-qeveri është bërë dhe Presidenti Ilir Meta, i cili thekson se ndryshimet në Kushtetutë duhet të bëhen me një dakordësi gjithëpërfshirëse dhe jo të njëanshme.
Meta rrëfyer dhe propozimin e ish-kreu i KQZ-së, Kristaq Kume që çdo ide për ndryshime nga marrëveshja e 5 qershorit duhet të shkojë përsëri në tryezën e Këshillit Politik.
Ndërkohë, Presidenti ka deklaruar përmes një postimi në faqen e tij zyrtare në “Facebook” se i ka kërkaur takim kryetarit të Partisë Demokratike, Lulzim Basha.
Meta shprehet se Basha e “njohu me qëndrimin zyrtar të Partisë Demokratike dhe Opozitës së Bashkuar që është bërë publik dhe u është njoftuar dhe të gjithë partnerëve të shqetësuar për të ardhmen europiane të vendit tonë.”
Postimi i Metës
Dje në mesnatë mora një mesazh nga një intelektual i nderuar si Prof.Kristaq Kume. Shqetësimi i tij ishte se duhej bërë çdo përpjekje për të shmangur ndryshime kushtetuese të njëanshme sepse do të ishte një kosto shumë e rëndë për vendin.
Ai sugjeronte se çdo ide për ndryshime nga Marrëveshja e 5 Qershorit duhet të shkonte përsëri në tryezën e Këshillit Politik.
Sot në mëngjes, pa gdhirë mirë, i kërkova takim z.Basha për të parë a ishte i hapur për një ide të tillë. Ai më njohu me qëndrimin zyrtar të Partisë Demokratike dhe Opozitës së Bashkuar që është bërë publik dhe u është njoftuar dhe të gjithë partnerëve të shqetësuar për të ardhmen europiane të vendit tonë.
Jam i bindur se ka kaq shumë intelektualë dhe qytetarë që ndajnë këtë shqetësim si të Prof.Kumes. Për këtë arsye po e ndaj me të gjithë ju këtë qëndrim tepër të përgjegjshëm dhe bashkëpunues të Opozitës së Bashkuar.
PJESË NGA DEKLARATA E SEKRETARIT TË PËRGJITHSHËM TË PD, GAZMENT BARDHI
Nëse Partia Socialiste është vërtet e interesuar për të rihapur diskutimin për çështje të tjera në lidhje me reformën zgjedhore, ajo është e obliguar nga Marrëveshja e 14 Janarit dhe nga Marrëveshja e 5 Qershorit ti parashtrojë ato për diskutime dhe vendimmarrje konsensuale në Këshillin Politik. Çdo diskutim i tillë, sipas Marrëveshjes, NUK mund të vonojë apo pengojë kodifikimin e Marrëveshjes së 5 Qershorit./ Opinion.al
