Inspektoriati Shtetëror Shëndetësor njoftoi se po vijon intensivisht monitorimet në terren dhe vetëm në 24 orët e fundit janë kryer 1716 inspektime në subjekte.
Prej tyre, Inspektoriati ka pezulluar aktivitetin në një fasoneri dhe ka vendosur gjoba për 2 subjekte (bar-kafe dhe market) të cilat janë gjetur në shkelje.
Gjobat janë në vlerën 100 000 lekë për çdo subjekt të kapur dhe janë vendosur në Berat, Durrës dhe Korçë.
ISHSH njofton se vijon çdo ditë kontrollet teksa iu bën apel bizneseve dhe institucioneve të zbatojnë protokollet e sigurisë./Opinion.al
