Presidenti Jair Bolsonaro kërcënoi të premten se Brazili do të tërhiqej nga Organizata Botërore e Shëndetit, pas paralajmërimit për qeveritë e Amerikës Latine mbi rrezikun e heqjes së bllokimeve, përpara se të ngadalësonin përhapjen e koronavirusit në të gjithë rajonin.
‘Ashtu si Shtetet e Bashkuara u larguan nga OBSH, ne po e konsiderojmë një veprim të tillë në të ardhmen. Ose OBSH punon pa paragjykime ideologjike, ose edhe ne po largohemi gjithashtu.’- është shprehur Bolsonaro. ‘Ne nuk kemi nevojë që disa të huaj të japin mendimet e tyre për çështjet shëndetësore në Brazil,’- u tha ai gazetarëve në Brasilia.
Një rekord i ri i vdekjeve të përditshme nga COVID-19, e ëoi Brazilin drejt fatit të Italisë, por Bolsonaro vazhdon të mbështesë heqjen e shpejtë të kufizimeve dhe izolimeve, duke argumentuar se kostot ekonomike tejkalojnë rreziqet e shëndetit publik.
Kombet më të populluara të Amerikës Latine, Brazili dhe Meksika, po shohin nivelet më të larta të infeksioneve të reja, megjithëse pandemia gjithashtu po zhvillohet në ritme relativisht të shpejta në vende të tilla si Peru, Kolumbi, Kili dhe Bolivi.
Në përgjithësi, më shumë se 1.1 milion Amerikano – Latinë janë infektuar. Ndërsa shumica e udhëheqësve e kanë marrë më seriozisht se Bolsonaro pandeminë dhe situatën aktuale, disa politikanë që kanë mbështetur bllokimet dhe kufizimet e rrepta në mars dhe prill, po bëjnë presion për të hapur ekonominë, ndërsa rritet uria dhe varfëria./Opinion.al
