Dy ditët e fundit ambasadorja e SHBA, Yuri Kim ka bërë deklarata të forta për zbatimin e reformës në drejtësi, ndërsa theksoi se nuk duhet të vazhdohet më me lojëra apo pazare.
Lidhur më këto deklarata, Meta është shprehur gjatë një dalje për mediat se është i gatshëm të përballet me të gjithë aktorët që kanë bërë lojëra me reformat.
Po ashtu, ai shtoi se “unë jam ballëlartë në këtë histori”. Presidenti tha se do t’i kërkoj BE hetim për reformën në drejtësi në lidhje se si kanë qenë ligjet dhe si janë zbatuar.
“Ambasadorja ka shumë të drejtë unë e kam thënë dhe më parë, mjaft me lojëra, shikoni kushtet nga BE, që nga 2016 e deri tani. Shqetësim është i drejtë, sepse palët kanë luajtur me këto çështje, por presidenti është kreu i shtetit, nuk merret me këto. Gjithçka e bërë nga presidenti ka qenë në përputhje e mirëdokumentuar. Kam kërkuar bashkëpunim nga të gjithë, tani ju i dini lojërat që janë bërë. Por unë jam i gatshëm të ballafaqohen të gjithë aktorët që të shihet se kush ka bërë lojëra me reformat. Këto pikat që iu thashë i dinë të gjithë ambasadorët. Maskat e reformën kanë rënë me kohë pavarësisht pandemisë. Unë do e diskutoj këtë se dje harrova, jam i gatshëm ti kërkoj BE hetim për reformën në drejtësi, Si kanë qenë ligjet dhe si janë zbatuar. Unë jam ballëlartë në këtë histori.Përgjegjësinë ta mbajnë ata që bëjnë lojëra në kurriz të shqiptarëve”, tha Meta./ Opinion.al
