Rusia është një nga vendet më të prekura nga koronavirusi. Sipas të dhënave, Në 24-orët e fundit, sipas autoritete janë regjistruar 11,012 raste të reja, duke e çuar në 209,688 numrin e përgjithshëm të të infektuarve me COVID-19.
Po ashtu, në 24-orët e fundit janë shënuar edhe 88 viktima, duke bërë që numri i përgjithshëm i të vdekurve nga koronavirusi në Rusi të arrijë në 1,915.
Gjatë kësaj jave, në Rusi çdo ditë ka pasur mbi 10 mijë raste të reja me koronavirus. Autoritetet thonë se kjo po ndodh për shkak të testimeve masive.
Rusia është vendi i pestë në botë me numrin më të lartë të të infektuarve me koronavirus, pas Mbretërisë së Bashkuar, Italisë, Spanjës dhe Shteteve të Bashkuara./ Opinion. al
