Provimet e maturës do të zhvillohen në kushte të pazakonta këtë herë për shkak të krizës së koronavirusit. Formati i tyre ka ndryshuar por rregullat mbeten strikte.
Komunikimi me shokët ose marrja e celularit në ambjentet e provimit mund të çojë në penalizimin e maturantit që për një vit të mos ti nënshtrohet më testit.
Këtë e bëri të ditur drejtoresha e Qendrës së Shërbimeve Arsimore Rezana Vrapi teksa foli për administrimin e provimeve të maturës shtetërore.
“Në maturën shtetërore është një test i standartizuar që do të thotë se të gjithë maturantët i nënshtrohen të njëjtave rregullave dhe procedurave.
Patjetër që ka rregulla të administrimit që lidhen me mënyrën se si nxnënësit hyjnë në mjedisin e provimit që lidhen me mënyrën si ulen dhe mënyrën si monitorohen.
Rregullat më të forta kanë të bëjnë veçanërisht që kanë të bëjnë me besueshmërinë e të gjithë procesit, pra mos-marrjen e celularëve dhe mos komunikimin.
Çdo maturant, ditën e provimit të mos ketë celular me vete, të mos komunikojë në mjdesi në të kundërt mund të penalizohet që të mos ketë të drejtë për një vit rresht që ta japë këtë provim”, tha Vrapi.
Testet e maturës shtetërore do të zhillohen nga 8-18 qershori. Ato do të përmbajnë 60 pyetje me alternativa dhe do të zgjasin 2 orë.
Temat e mësimit të zhvilluara online që pas 9 marsit nuk do të përfshihen në përmbajtjen e provimit. /Opinion.al
