Edhe pse shifrat janë tragjike, Spanja vijon me përmirësimin gradual në betejën kundër pandemisë koronavirus.
Kështu, raportohet se 637 persona humbën jetën në 24 orët e fundit, shifra më e ulët që prej 24 marsit. Sakaq, në total, koronavirusi ka shkaktuar mbi 13 mijë viktima në këtë shtet.
Autoritetet shëndetësore raportojnë se Spanja regjistron më shumë se 135 mijë vetë të prekur nga Covid-19, ku 60 mijë prej tyre rezultojnë të shtruar në struktura spitalore, ndërsa 40 mijë të shëruar.
Po ashtu, e lartë është dhe shifra e pacientëve që kanë nevojë për terapi intensive, pasi rreth 7 mijë të infektuar janë intubuar./Opinion.al
