Koronavirusi nuk është rreziku i vetëm me të cilin po përballen qytetarët Shqiptarë këto ditë.
Një nga fenomenet që u vunë re që në ditët e para të shpërthimit të epidemisë ishte rritja abuzive e cmimeve nga disa biznese ushqimore ose farmaceutike duke ja bërë kshtu më të vështirë qytetarëve periudhën e izolimit.
Megjithatë qeveria paralajmëroi marrjen e masave dhe Ministria e Financave vuri në dispozicion një numër për qytetarët ku të denonconin rritjen e cmimeve.
Në një njoftim për mediat bëhet e ditur se vetëm ditën e parë janë bërë 75 denoncime.
Ministria në fjalë sqaron se janë verifikuar 13 raste me shkelje të legjislacionit tatimor, nga të cilat 6 farmaci dhe 7 njësi tregtare fruta-perime.
Njoftimi:
“Ministria e Financave dhe Ekonomisë, në kuadër të masave të marra nga Qeveria për parandalimin e përhapjes së Covid-19, si dhe në kushtet e ndalim qarkullimit, përmes strukturave të saj po monitoron sjelljen e tregjeve për të shmangur çdo abuzim të mundshëm nga tregtarët, ndersa ka vene ne dispozicion numrin pa pagesë 0800 14 14, ku të gjithë mund të bëjnë denoncime të rasteve që konstatojnë.
Në zbatim të këtyre masave të marra nga të gjithë strukturat tona, Administrata Tatimore po ndjek nga afër zhvillimet e fundit, sidomos funksionimin e tregtisë.
Është koha që të gjithë të bashkëpunojmë dhe solidarizohemi për të përballuar këtë situatë të vështirë, jo për të abuzuar.
Falenderojmë të gjithë qytetarët për bashkëpunimin e deritanishëm, ku vetëm sot janë regjistruar 75 denoncime. Në vijim të tyre DPT ka verifikuar 13 raste me shkelje të legjislacionit tatimor, nga të cilat 6 farmaci dhe 7 njësi tregtare fruta-perime. Gjatë verifikimeve janë evidentuar çmimet e shitjeve dhe të blerjeve, duke i kaluar për ndjekje të mëtejshme të organeve kopetente në rast rritjesh artificiale të tyre.
Ndërkohë që nga nesër në qytetet kryesore të vendit do të jenë në terren Task Forca, me prezencën e Tatimeve, Policisë, Agjensia Kombëtare e Barnave dhe AKU-së.
Inkurajojmë të gjithë qytetarët të vijojnë denoncimin e rasteve abuzive dhe këshillojmë, që asnjëri të mos largohet nga njësitë tregtare pa marrë kuponin tatimor dhe të sigurohet që përshkrimi në kuponin tatimor është i njëjtë me mallin e marrë.
Të gjithë bashkë, për t’i thënë jo abuzimit“. Opinion.al
