Kreu demokrat Lulzim Basha, në studion e emisionit “Opinion” tha se qeveria shqiptare nuk i ka marrë në kohë masat për parandalimin e përhapjes së koronavirusit në vend. Ai shtoi se paralajmërimi i opozitës nuk u mor në konsideratë, pavarësisht se erdhi që në datën 2 Shkurt.
I pyetur nëse do të ishte e gatshme opozita të bashkëpunonte me aktorët qeveritarë në këtë situatë, Basha tha se: Mendoj që duhet të kalojmë përtej fasadës.
Fevziu: Nëse ju pyes sot, çfarë duhet të bente qeveria në gjykimin tuaj që nuk e ka bërë?
Basha: Kriza kërkon jo t’i përgjigjesh, por të ecesh një hap përpara. Intensiteti i masave nuk mund të fillojë pas shfaqjes . Kriza në Kinë na dha 45 ditë kohë. Këtë ka kërkuar opozita prej datës 2 shkurt dhe personalisht prej datës 24 shkurt. Qeveria nuk i ka ndërmarr këto masa.
Në 24 shkurt në një nga daljet e para kam kërkuar një regjistër të posaçëm pëer të ardhurit nga zonat e kuqe. Nuk e bëri , sepse atëherë zoti Rama ishte në një tjetër gjendje mendore, sepse ishte bashkangjitur në një gjendje të minizimit të rriskut duke kthyer deri në tallje. Dy javë më pas ka nxjerrë personat e ushtrisë. Imagjinoni sa e lehtë do të kishte qenë nëse do të ishte krijuar regjistri i personave. Një masë që ne propozuam dhe u mor 2 javë me vonesë.
Absolutisht jemi shumë dakord me msat e marra, por kemi humbur shumë kohë. Mendoj që qeveria nuk duhej të kishte patur kompleksin pse i propozoi PD, njëlloj si me tërmetin. Në këtë moment secili duhet të bëjë detyrën e vet, një javë më parë kam kërkuar gjithë angazhimin e personelit në pension.
Më në fund ditën e sotme u morën masa edhe për biznesin fason. Kjo krizë duhet të menaxhohet për të kuptuar çfarë do të ndodhë nesër.
Ne kemi një buxhet 3.5 milionë euro, Kosova ka vënë 10 milionë akoma nuk ka asnjë pacient. Shqipëria ka shumë pak para, me to nuk mjafton as dezinfektimi i qendrave shëndetësore. Kryesorja është ruajtja e personelit shëndetësor dhe personeli shëndetësor nuk është i mbrojtur. Në spitalin infektiv një pjesë janë të pajisur, por nuk është vetëm kjo vija e parë, vija e parë është shëndeti parësor.
Protokollet duhet të jenë të qarta , sepse mjeku që sulmoi Kryeministri nuk tha që s’i kam, por koordinatorët i çuan një pacient me koronavirus si pacient të zakonshëm dhe ai u vetizolua. Gjë që ndodhi edhe në Durrës, duket qartë që Shqipëria nuk ka qenë e përgatitur për këtë epidemi.
Parandalimet u injoruan, u përqeshën, megjithë nuk është as koha dhe as vendi për të nxjerrë përgjegjësitë, sepse do të jetë një kohë. Tani është koha të bëhemi bashkë për të kaluar me pasoja sa më të lehta.
Fevziu: A do ishit të gatshëm të bashkëpunoni me Kryeministrin, me çdo aktor me institucionet. A mund të uleshit në një tavolinë, ose të jepnit mbështetje, pra të bëhehj një gjest ndryshe ?
Mendoj që duhet të kalojmë përtej fasadës. Tani na duhen mendje esëll, këmbë në tokë, vendime të forta, na duhet një plan dhe transparenca, ku të gjithë të dinë se çfarë do bëjnë dhe çfarë pritet prej gjithsecilit. Mjekët të kenë pajisjet e mjaftueshme për t’i kuruar pacientët kur të shtohet vala, dhe sigurisht që do të shtohet të kenë pajisjet e nevojshme për t’i kuruar. kemi vetëm 120 njësi respiratore, do të presim derisa të mbushen korridoret? Duhet të ishin marr masat para 2 javësh, tre javësh, dhe nëse nuk marrim masat sot, do t’i kemi njerëzit pa pajisjet bazë për t’i trajtuar. Mjekët duhet të ketë pajisje mbrojtëse, kite, tamponë testimi. Qytetarët të zbatojnë këshillat e dhëna nga mjekët, si distancimi social dhe kujdesi higjenik./ Opinion.al
