Konsumatorë të tmerruar nga koronavirusi, në të gjithë globin janë duke zbrazur raftet e supermarketeve, në një valë blerjesh jo të zakonshme, që shkoi nga maskat dhe dezinfektantët, tek ushqimet me afat të gjatë skadence.
Është fjala për masa që nisin nga izolimi në stilin e Wuhan e deri tek bllokimi i importeve dhe mbyllja e fabrikave. Por në Australi kanë shfaqur një fenomen të ri. Aty për çudinë e të gjithëve, njerëzit janë fiksuar në blerjen e letrës higjenike. Dhe për më tepër që ky produkt nuk vjen nga importi, por në pjesën më të madhe prodhohet në vend.
Megjithatë letra rrezikon të zhduket në këtë fazë të epidemisë së virusit, pasi blerësit po qëndrojnë në radhë të gjata dhe po marrin shumë më tepër nga sa kanë nevojë. Një pjesë e njerëzve e bëjnë këtë veprim pa e kuptuar, thjesht sepse shohin të tjerët që bëjnë të njëjtën gjë.
Ndërkohë shitësit kanë shpjeguar për portalin australian “10 daily” se duke parë karrocat plot me letër higjenike, janë krijuar dyshime edhe tek klientë të tjerë, të cilët mendojnë se duhet të blejnë sa janë ende në kohë, duke e kthyer fenomenin në një histeri kolektive.
“Po grumbullojmë në një moment pasigurie. Kur jemi të pasigurt për diçka, ndjekim shumicën, sepse duket më e sigurt”, ka treguar profesori, Gary Mortimer.
Megjithatë nuk është vetëm Australia e fiksuar për letrën higjenike. Edhe në Japoni e Shtetet e Bashkuara ndodh e njëjta gjë, por në Australi fenomeni është shumë më i dukshëm. Për momentin Australia numëron 42 raste të konfirmuara me koronavirus./Opinon.al
Supermarkets in Sydney are running out of pasta and toilet paper as Australia reports its first cases of community transmission of coronavirus. https://t.co/31ItSfbr1d pic.twitter.com/89knHtYjHz
— ABC News (@ABC) March 3, 2020
