Skocia është zyrtarisht vendi i parë në botë që ofron produkte të higjienës vetjake, si linesa, tamponë, antidjersë etj, falas.
Parlamenti skocez aprovoi projektligjin që kërkon që produktet e higjienës vetjake, të cilat mund të jenë të papërballueshme për shumë vajza dhe gra për shkak të varfërisë, t’u sigurohen atyre falas.
Propozuesja e projektligjit, deputetja, Monica Lennon, tha që “gratë dhe vajzat shpesh lihen jashtë politikave,” teksa theksoi se nisma do të përkrahë edhe personat transgjinorë ose ata që e identifikojnë veten me shumë gjini ose nuk kanë indentitet gjinor.
“Menstruacionet janë normale. Nëse gratë marrin tampona, linesa dhe produkte të tjera falas do të ndikojë që ato të shihen kështu, si normale.”, tha Lennon.
Kjo nismë daton që prej gushtit të vitit 2018. Asokohe, Skocia u bë shteti i parë në botë që i ofronte produktet e higjienës vetjake falas për të gjithë nxënësit në shkolla fillore, gjimnaze dhe universitete. Nisma, më vonë u shtri në një tjetër dimension, më të gjerë dhe gjithëpërfshirës, derisa arriti të aprovohet në parlament./Opinion.al
