I pranishëm në konferencën e rindërtimit, kryeministri Edi Rama është shprehur se ndërtimi i banesave do të nis nga familjet më të prekura dhe me më pak të ardhura.
Po ashtu, Rama tha se do të ketë një garë ndërkombëtare, ku ftohen të gjitha kompanitë e huaja dhe vendase të përfshihen në procesin e rindërtimit.
“Gara ndërkombëtare për të ftuar të gjitha kompanitë e huaja apo vendase që do të përfshihen në procesin e rindërtimit. Bëhet fjalë për banesa me shumë njësi, pra apartamente në lagje apo blloqe të reja banimi. Është realizuar gjithcka që është e nevojshme nga pikëpamja e rindërtimit. Rindërtimi do të nisë nga familjet më të prekura dhe me më pak të ardhura dhe mundësi për të dalë nga kjo situatë e vështirë pas tërmetit, të cilët janë të detyruar të qëndrojnë pranë shtëpisë së rrënuar sepse nuk mund të shkëputen nga shtëpia, gjëja e gjallë. Ministrja e Kulturës është drejtuesja e të gjithë procesit të planifikimit. Të kemi ndërtuar dhe hapur dyert e disa mijëra shtëpive të reja”, tha Rama./ Opinion.al
