Autoritetet portale në Durrës kanë bllokuar një traget të linjës Vlorë-Brindizi ku dyshohet se po transportoheshin lëndë të rrezikshme për shëndetin e njerëzve.
Policia ka bllokuar një furgoni dhe disa fuçive me lëndë të rrezikshme të cilat sipas autoriteteve po futeshin në Shqipëri në mënyrë të jashtëligjshme.
Në lidhje me këtë ngjarje kanë përfunduar në pranga Zamir Kormuzi, pronari i firmës së grumbullimit të mbetjeve, Elisabeta Çuni administratore e firmës së mbetjeve, Arbër Çuni, shofer i furgonit, Kujtim Xhafellari, Zv. kapiten i tragetit, Festim Tafa, kapiten i tragetit dhe 48-vjeçari me iniciale A.G.
Por nga dëshmitë e tyre rezulton se në fuçitë e gjetura ndodhet vaj motori dhe asnjë lëndë e rrezikshme toksike.
Ndërsa në thasët e zinj të hangarin e tragetit, sipas tyre ka lesh xhami. Këto mbetje janë krijuar pas remontit të tragetit dhe janë lënë në hangarin e mjetit lundrues.
Ndërkohë policia ka njoftuar ekspertë të ministrisë së Shëndetësisë dhe Mjedisit për të ekzaminuar mbetjet e gjetura, ndërsa ka nisur edhe kontrollin në ambientet e një firme grumbullimi në Vlorë, por deri më tani nuk janë gjetur shenja të mbetjeve të rrezikshme që mund të ishin depozituar më parë atje.
Në lidhje me ngjarjen kanë reaguar edhe drejtuesit italianë të mjetit të lundrimit të bllokuar. Përmes një deklarate për mediat, bëhet e ditur se anija ‘Sant Damian’ dorëzon mbetje në firmat e autorizuara, siç ishte dhe rasti i firmës “Delfini” në Vlorë. Sipas tyre, firma shqiptare është e licensuar nga autoritetet.
“Si te gjitha anijet e tjera edhe Santa Damina dorezon mbetjet firmave te specializuar dhe te autorizuara nga autoritete te ndryshme lokale. Firma Delfini e autorizuar nga porti i Vlorës dhe autoroitete shqiptare eshte e licencuar per keto trajtimesh dhe ka nje kontrate te rregull me tragetin San Damian. Ashtu sikurse vepron edhe anija Prince dhe shume anije te tjera qe ankorohen ne Portin e Vlores. Ashtu sikurse edhe Petrolifera dorezon mbetjet per perpunim. Firma Delfini sapo dorezon mbetjet i jep anijes edhe nje kopje te dokuemtit ku ka te shenuar sasine e mbetjeve te dorezuara. Dokumetit i bashkagjintet nje tjeter dokument, i cili vlen per kontrollin e te gjitha kapitenerive te botes”, thuhet në deklaratë. /Opinion.al
