Artan Hoxha-Një lajm i bujshëm u publikua në media gjatë orëve të pasdites për kapjen rekord të 1.3 toneve kokaine në një magazinë frutash në fshatin Krushopek të Maqedonisë së Veriut.
Pavarësisht tentativës për t’i veshur merita policisë sonë, për pjesëmarrjen e saj në një operacion ndërkombëtar kundër narkotrafikut, (te organizuar kryesisht nga agjencitë antidrogë të SHBA dhe Italisë), e vetmja gjë që të mbetet në mendje është fakti se:
“Kamioni me 1.3 ton kokaine, u prit me “nderime” në doganën e Hanit te Hotit në Shkodër, dhe u përcoll me “respekte” në doganën e Qafe Thanës në Pogradec, për tu arrestuar pastaj dy shofere dhe një magazinier në një fshat të Maqedonisë së Veriut!|
A nuk ngjan pak si historia e kontenierit me 613 kg kokaine te kapur ne Maminas, ku u arrestuan vetëm dy shoferë dhe një hamall magazine bananesh?!
