Pas përfundimit të Konferencës së Donatorëve, kryeministri i vendit Edi Rama ka mbajtur një konferencë për mediat së bashku me presidenten e Komisionit Europian Ursula von der Leyen.
Rama u shpreh në fjalën e tij se presidentit i Francës, Emanuel Makron e priste me padurim këtë event, ndërsa shtoi se ai i kishte kërkuar ndjesë që nuk mundi të ishte i pranishëm në konferencë.
Po ashtu, kryeministri u shpreh se; “pavarësisht se BE mund të na ngrejë nervat disa herë, por mbetet një projekt i mrekullueshëm”.
“Do të doja të falënderoja të gjithë me gjithë zemër. E di se presidenti Makron e ka pritur me padurim për këtë eveniment sot, më përcolli urimin më të mirë dhe natyrisht e ndjesën që nuk ishte i pranishëm dot këtu. E më pas natyrisht kancelaren gjermane. Dua t’i them shumë faleminderit, sepse e di sa ka punuar për të bërë sa më shumë forca për mirë. Do doja të falënderoj Erdogan, edhe Muhamet Bin Zajed, që u angazhua me zemër. Ursula faleminderit për të gjithë, e tregon se pavarësisht se BE mund të na ngrejë nervat disa herë, por mbetet një projekt i mrekullueshëm”, deklaroi Rama./ Opinion.al
